Алматы қаласында дүниеге келдім. №23 мектеп-гимназиясының жаратылыстану-математикалық бағытын үздік бітірдім. "Саясаттану" мамандығы бойынша әлеуметтік ғылымдар бакалавры және магистрі дәрежесін әл-Фараби атындағы ҚазҰУ-де ие болдым. Менің ғылыми қызығушылықтарымның саласы саяси қатысу, саяси конфликтология және әлеуметтік- саяси наразылықтар, саяси қызметті цифрландыру болып табылады, сондықтан менің дипломдық жұмысымның тақырыбы "Қазақстандағы әлеуметтік-саяси қақтығыстарды модельдеу", ал магистрлік диссертацияның тақырыбы "Қазақстандағы әлеуметтік–саяси наразылықтардың ерекшеліктері" болған. Соңғы жылдары мен студенттердің саяси білімін, көшбасшылық және коммуникация дағдыларын дамытумен айналысамын. Хобби: славян, түркі және роман тілдерін үйрену, әдебиетті оқу (мамандығы бойынша кітаптардан басқа, құқық, психология, философия және технологияның әлеуметтік әсері туралы кітаптар; көркем әдебиеттен: шетелдік классика, заманауи проза, утопия, дистопия, қиял).